நான் அவனாக முடியாது .....

எதற்கெடுத்தாலும்

தன் காதலனோடு ஒப்பிட்டு
சண்டையிட்டு தன் தாய் வீட்டில் இருக்கும்
மனைவிக்கு ,,,

  நலமறிய அவா ..

அவனுக்கு நீதான் உலகமாய் இருந்தாய் என்றாய் ,,
இருந்திருக்கலாம்,
அனால் என் உலகத்தில்
நம்மை வார்த்தவர்களும் , நம் வளர்ப்புகளும் இருக்கிறார்கள்
நான் என்ன செய்ய ...

அவன் உன் பிறந்தநாள் அன்று தங்கநகை பரிசளித்தான் என்றாய் ,,
நன் உன் பிறந்தநாள் அன்று மகளின் பள்ளிக் கட்டணம் கட்டினேன்
நான் என்ன செய்ய ...


அவன் உன்னை அடிக்கடி பார்க் ,பீச் ,சினிமா அழைத்து சென்றான் என்றாய்,,
நான் உன்னை கோவிலுக்கும் ,விருந்தினர் விசேசங்களுக்கும் அழைத்து சென்றேன் ..
 நான் என்ன செய்ய ...

அவன் உன்னை உனக்கு பிடித்த பைக்கில் " longdirve "அழைத்து சென்றான் என்றாய்,,
நான் நம் குழந்தையுடன்  வண்டியில் செல்லவே  பயப்படுகிறேன் 
நான் என்ன செய்ய ...

இத்தனை வித்தியாசங்கள் சொல்கிறாயே !! நீ கண்டிறாத  இன்னொரு வித்தியாசம் சொல்லட்டுமா ....
அன்று
" நான் அவனாய் இருந்தேன் "
இன்று
" நான் நாமாய் இருக்கிறோம் " ...

புரிந்து கொள் பெண்ணே -
பிரிந்து கொல்லாதே
..
நான் அவனாக முடியாது .....


இப்படிக்கு ..

அவனாய் இருந்து ,
இப்பொழுது
அவனாக முடியாத
" நான் "

அதுபோதும் எனக்கு...

உனக்கு என்றேனும் உன் வகுப்பறை போர் அடித்தால்,,

உன் கைப்பேசி-இன் இன்பாக்ஸ்-ல் நீ படிக்காமல் வைத்திருக்கும் என் குறுந்தகவல்-களை பார் ...

" அதை படித்துவிட்டு உனக்கு குறுஞ்-சிரிப்பேனும் வந்தால் " ..

அதுபோதும் எனக்கு...

உனக்கு என்றேனும் உன் மாலை வேளை மங்கிக்கிடந்தால் ,,

உனக்காக  நான் கிறுக்கிய  கவிதைகளை தருகிறேன் ..

அதை படித்துவிட்டு உனக்கு, " பைத்தியக்காரன் இப்படியா பொய் சொல்லுவான் " என்ற எண்ணமேனும்  வந்தால்

அதுபோதும் எனக்கு...

உனக்கு என்றேனும் FACEBOOK,TWEETER ,WHATS APP இந்த மூன்றும் மூட்-அவுட் செய்தால்.. உன் e -mail-ன் SPAM-box-இல் உனக்கு நான் எழுதிய கடிதங்களை வாசித்துப்பார்,

வாசித்துவிட்டு,என் e -mail-களை  நீ SPAM-இல் இருந்து இன்பாக்ஸ்க்கேனும் மாற்றினால்

அதுபோதும் எனக்கு...

உனக்கு என்றேனும் உன் இரவு வேளை உறக்கம் வராமல் இம்சை தந்தால் ,,கனவுகளில் உன்னோடு நான் வாழும் வாழ்க்கை காட்சிகளை கொஞ்சம் கடனாய் தருகிறேன்,,

அதை பார்த்துவிட்டு உறங்கும் உன் கனவில் ஒருமுறையேனும் கனவாய் வந்து உன் உறக்கத்தை கலைத்தேன் என்றால் ,

அதுபோதும் எனக்கு...

உனக்கு என்றேனும் நீ வழக்கமாய் செல்லும் என் வீதி சலித்துப்போனால் ,உனக்காய் என் வீட்டு வாசலில் நான் வைத்த ரோஜா செடிகளில் இருந்து ஒருமுறையேனும் ஒரே ஒரு பூவை பறித்து ரசித்து செல்..

அதுபோதும் எனக்கு...

உனக்கு என்றேனும் இந்த வாழ்க்கை வழக்கமாய் இருக்கிறதே ,

இவனை காதலித்துதான் பார்ப்போமே ,,என்று ஒரே ஒரு நொடியேனும் நீ எண்ணினால்

அதுபோதும் எனக்கு...